رواية( شمس وسط الظلام) البارت(21_1_2)و(22)بقلم :- أسماء أبوشادي
__________________________
مهاب دخل الأوضة اللي شمس قاعدة فيها وشافها واقفة بتمشط شعرها و وقف متنح
أما شمس فجابت طرحتها من على السرير بسرعة وغطت شعرها وقالت
شمس بتوتر / أسفة افتكرتك داليا
مهاب أتضايق جدا أنها غطت شعرها ادامه بس ما اتكلمش / لا ماتتأسفيش أنا جيت اطمن عليكي واخدك ننزل عشان نفطر
شمس / أنا الحمد لله كويسة بس انا كنت عايزة اتكلم معاك شوية
مهاب / اتفضلي أنا سامعك
شمس بأحراج لأنه واقف ادامها مباشرةً وقريب منها جدا / أنا هروح مع رودي بعد شوية
مهاب / هتروحي فين معاها يعني
شمس / هروح أعيش أنا وهي في فيلا باباها الله يرحمه
مهاب بيحاول يتحكم في عصبيته عشان مايخوفهاش منه / ومين قالك انى هسمحلك تروحي تعيشي معاها
شمس / أزاي يعني ما أنا مش هرجع أقعد تاني في بيتنا
مهاب / طب ما أنتي فعلا مش هترجعي البيت دا تاني لأنه مابقاش بيتك
شمس بأستغراب / أومال هعيش فين
مهاب / في بيتك
شمس / مش لسه قايل ان هو مابقاش بيتي
مهاب / أنا كلامي واضح أنتي مش هترجعي عند عمك تاني وهتعيشي في بيتك هنا
شمس / بس دا مش بيتي
مهاب / هو بيت جوزك يبقى بيتك ( قال كدة وقرب عليها اكتر ) دا أنا بقول عليكي زكية
شمس بتوتر / بس حضرتك احنا اتفقنا اننا مش هنتجوز غير بعد الجامعة وحضرتك وافقت
مهاب بيبص في عنيها وهي بتتكلم بأرتباك واضح في صوتها / أنا قولتلك مش هنتجوز إلا لما أنتي توافقي على الميعاد
وبعدين ايه حضرتك دي أنا جوزك
( مهاب قرب جامد من شمس وحاوطها بزراعيه )
شمس بتدوب زي الثلج من خجلها / ل لو لو سمحت ما ينفعش كدة
مهاب عينه على شفايف شمس وشكلها مغري. جدا وبيتكلم بهمس / هو إيه اللي ما ينفعش يا شمسي ( مهاب شال الطرحة من على شعر شمس وبيملس عليه بأيده ). أنتي جميلة اوى جمالك بيسحرني وبيفقدني السيطرة على نفسي
شمس غمضت عنيها / أرجوك سيبني احنا اتفقنا اننا مخطوبين وبس
مهاب وهو لسه محاوط ظهرها بأيده اليسار وبيملس على شعرها باليمين / ماتخافيش أنا مستحيل أعمل حاجة تضايقك اوتزعلك أنتي شمسي ملكي وهحافظ عليكي حتى من نفسي و
( داليا قطعت المشهد الرومانسي بدخولها من غير ماتخبط )
داليا / شمس رودي بتقولك. ا ا ا ا ا
مهاب بضيق / في حد يدخل كدة
داليا بصت في الأرض بخجل/ إ إ أنا آسفة
( داليا لفت وشها عشان تخرج بس شمس اخيرا فاقت وبعدت عن مهاب )
شمس بسرعة / استني يا داليا
داليا وقفت مكانها بس بتبص في الأرض وشمس كمان هتموت من الكثوف والاخ مهاب لسه واقف زي ماهو ولا كأنه عمل حاجة
داليا بتوتر / انا كنت جاية اقولك رودي اتصلت وهي وصلت بيت عمك وبتجهز حاجتك هي ومرات عمك وبتقولك عمك عايز يكلمك في التليفون ضروري
شمس / هي رودي لسه معاكي على التليفون
داليا / ايوة. خودي معاكي اهي
شمس أخدت الفون من داليا وبصتلها بمعنى ماتمشيش وفعلا داليا فضلت موجودة
ومهاب واقف بيبص على شمس وهي بتتكلم في التليفون
شمس بتكلم رودي / أيوة يا رودي اخدتي كل حاجة
رودي / ايوة يا شمس بس عمك عايز يكلمك خودي هو معاكي أهوه
عبدالحميد / السلام عليكم أيوة يا شمس
شمس / وعليكم السلام أيوة يا عمي أنا معاك حضرتك عايزني
عبدالحميد / أنتي صحيح هتروحي تعيشي عند رودي صاحبتك
شمس / أيوة يا عمي لأني مش هرجع البيت تاني خلاص مابقيتش طايقة وجودي هناك
عبدالحميد / بصي يا شمس أنا مش هلومك ولا اي حاجة عشان عارف انك معاكي حق بس جوزك اتصل بيا بالليل وقالي انك هتعيشي معاه هناك ووعدني إنه عمره ماهيغصبك على اي حاجة وأنه هيحافظ عليكي دايما وصدقيني يا بنتي انا عمري ما اختارلك راجل يهملك أو يأذيكي مهاب عارف كل حاجة عن علاقتك بأبوكي من قبل مايتجوزك. ودا لأنه كان مستغرب انك عايشة معايا مش في شقة ابوكي وفي الكام مرة اللي جه عندنا وقعد معايا فيهم. انا وثقت فيه وعرفت اني اختارتلك صح. اختارتلك راجل يقدر يحميكي من الدنيا كلها
وأنتي يا بنتي إذا ماكنتيش عايزة تقعدي في بيت جوزك يبقى ترجعي بيتك معززة مكرمة وماحدش له عندك حاجة دا بيتك وبيت عمك إنما موضوع تعيشي مع صاحبتك لوحديكوا دا ما ينفعش
شمس / بس يا عمي
عبدالحميد / مابسش يا شمس.اختاري اللي انتي عايزاه وأنا معاكي عايزة ترجعي تعالي عايزة تفضلي عندك خليكي وافتكري يا بنتي إني عمك وعايز مصلحتك و ماتنسيش كمان أنك أمانة في رقبتي وابني هيسألني عليكي يوم القيامة وأنا مستحيل أعمل حاجة تضرك
شمس مش عارفة تعمل ايه هى كل همها ماترجعش تاني / خلاص يا عمي أنا ااانا أنا قررت أعيش هنا
مهاب أول ما سمع الجملة دي فرح جدا وبقى أسعد إنسان في الدنيا. أن شمس هتكون معاه في بيت واحد وفي مكان واحد مش مهم هي في اوضة وهو في اوضة بس على الأقل هي هتفضل طول الوقت ادامه ودا هيخليه أسعد إنسان في الدنيا وكمان بكدة هيقدر يقرب منها اكتر ويخليها تحبه
@@@@@@@@@@@@@
نزلوا تحت والكل على السفرة بيفطروا
وبعد ما خلصوا فطار كالعادة الكل خرج سهى ونوال على النادي وسامح و رؤوف على الشغل
ومهاب سأل شمس إذا كانت محتاجة حاجة ولا لاء وشمس قالت انها مش محتاجة حاجة وطبعا مابصتش في وشه وهي بتكلمه بسبب اللي هو عمله في أوضتها
مهاب بصرامة قبل ما يخرج / داليا شمس مافيش خروج من غير استأذان
ومشي قبل مايردوا عليه
شمس رافعة حاجب / ودا إيه دا أن شاء الله
داليا ومازن / ههههههههههههه ههههههههههههه ههههههههههههه انتي لسه شوفتي حاجة
داليا / عشان لما كنت بقولك خنيق ماصدقتنيش وقولتي بيخاف عليكي يا داليا ألبسي بقى. دا انا فرحانة فيكي فرحة الديك لما يبيض
مازن / ههههههههههههه دا انتي وقعتي ولا حدش سمى عليكي وهتونسي داليا في عيشة الاحتكار
داليا / بس ياض واجري غور من هنا أبيه مهاب مشي تخيل لو راح الشركة وأنت اتأخرت
مازن 
/ طب سلاموووووز أنا بقى
شمس / ههههههههههههه ههههههههههههه وربنا انتوا الاتنين مسخرة وبعدين هو مهاب مربيلكوا الرعب أوي كدة
داليا / بصي يا قلبي أنا هسيبك أنتي تكتشفي لوحدك عشان بس ما اخوفكيش
شمس / لا يا اخوتشي أنا مابخافش
@@@@@@@@@@
رودي جابت حاجات شمس كلها وطلعت هي وداليا ساعدوا شمس انها تحطها في الدولاب وترتب الكتب بتاعتها كويس وبعد ما خلصوا قعدوا سوا وبيتكلموا
رودي / شمس أنتي متأكدة انك عايزة تعيشي هنا مرتاحة يعني
شمس / يا رودي كل شوية تسأليني بصي يا رورو يا قلبي سبيها على الله وماتقلقيش عليا خاااالص أنا مرتاحة
داليا بغمزة / ومش هترتاحي أزاي بعد اللي انا شوفته الصبح
( شمس وشها بقى فراولة )
رودي / هو ايه اللي حصل الصبح ما انا كنت معاكوا
داليا / يوووووه دا حصل وحصل وعسل وبصل بعد ما أنتي مشيتي يا اختي
شمس بخجل / دالياااا
رودي / بت انتي وهي احكولي حصل إيه
( داليا حكت لرودي على الموقف )
رودي / ههههههههههههه ههههههههههههه بقى إنتي يا شوسي يطلع دا كله منك لا لا مستحيل واااااامصيبتاااااه
شمس / وربنا انتوا عيال رخمة
رودي / بتقليد اللمبي ) وأنا اللي كنت فاكرك مؤدبة
داليا / ههههههههههههه ايه يا بنتي ماهو جوزها بقى
رودي / دلوقتي أنا فهمت انتي ليه قررتي تعيشي هنا
شمس / كدة طب أنا سحلانة منكوا بقى بترخموا عليا
داليا / لا يا بيضة ماتسحليش احنا بنهزر معاكي بس
رودي / المهم انا جوعت ومافطرتش لسه وحضراتكوا طفحتوا ونسيتوا إني جيتلكوا الصبح من غير فطار
شمس / معلش يا رودي تعبتك معايا
رودي / بس ابت وأنا هعمل ايه بمعلش دي هتشبعني يعني حرام عليكوا وكلوني حاجة هموت منكوا
شمس / بصراحة أنا كمان جعانة مافطرتش كويس الصبح
نزلوا البنات وداليا طلبت من الطباخ يجهزلهم أكل واكلوا فعلا وقضوا طول اليوم سوى في ضحك ولعب مع بعض
وبعدين رودي مشيت
بالليل الكل اتجمع على السفرة ومهاب كالعادة هو اللي بيرأس السفرة
وشمس برضوه قعدت جنب داليا بعيد عن مهاب خالص. وهو اتضايق جدا
داليا وشمس خلصوا عشا بسرعة وقاموا طلعوا على اوضهم
وداليا قالت لشمس هتغير هدومها وتجيلها الأوضة ويسهروا مع بعض
______________
شمس قاعدة في أوضتها بتقرأ شوية
ولابسه بنطلون قطن واسع ازرق وتيشرت بكوم لونه أزرق برضوه بس عليه رسومات ابيض في وردي ولبست و حجاب لونه وردي
( شمس قررت أنها هتفضل طول الوقت بالحجاب )
مهاب وهو طالع قرر يروح يتكلم معاها ويشوفها لو محتاجة أي حاجة
مهاب خبط على الباب
شمس دي اكيد مش داليا / مين
مهاب / ممكن أدخل
شمس عدلت حجابها / ادخل
مهاب / عاملة ايه يا شمس
شمس بخجل / الحمد لله
مهاب حس انها مكثوفة منه بسبب اللي عمله الصبح معاها / مرتاحة هنا يا شمس
شمس / الحمد لله
مهاب / الحمد لله على كل شئ طب مش ناقصك اي حاجة خالص
شمس بترد بأجابات مختصرة عشان يمشي لأن وجوده معاها موترها / لاء
مهاب متضايق أنها مش بتتكلم معاه كويس وكمان مش بتبصله فقعد جنبها على الكنبة ولف وشها له / مش بتبصيلي ليه وأنا بكلمك هو أنا زعلتك في حاجة
شمس أول مالمسها جسمها اقشعر وبقت تترعش وقلبها بيدق بسرعة جدا ومش عارفة تتحرك من مكانها. / ل لا. لاء
مهاب / أومال ليه مش عايزة تتكلمي معايا وكمان مش بتبصيلي وأنا بكلمك
شمس بتوتر/ ع عادي
مهاب بأبتسامة / طب انا كنت جاي اقولك بعد كدة لما نكون على السفرة تقعدي في الكرسي اللي جنبي اوكيه
شمس / ليه يعني انا بقعد جنب داليا مش فارقة كتير
مهاب بهمس / بس فارقة معايا أنا وأنا حابب انك تكوني جنبي
شمس ذابت / أنا هقعد جنب داليا
مهاب قرب عليها جامد/ لو قعدتي بعيدة عني هشيلك أنا واقعدك جنبي
شمس بتوهان / هو أنت بتعمل فيا كدة أزاي
مهاب برقة شديدة / بعمل إيه
داليا دخلت زي الإعصار / إتأخرت عليكي
( ههههههههههههه البت دي فيها شئ لله )
شمس اتنفضت بعيد عن مهاب أول ماداليا دخلت وفاقت من الحالة اللي كانت فيها
أما مهاب فكان نفسه يقتل داليا
داليا أتسمرت في مكانها ومش عارفة حتى تقول آسفة
مهاب قام راح لداليا اللي واقفة جنب الباب وشاورلها على الباب
مهاب بصوت عالي / دا إيه
داليا بعلت ريقها بصعوبة / ب ب باب
مهاب بعصبية / ولما هو باب مش بتخبطي عليه ليه ولا هو الباب دا مش للتخبيط
شمس اتضايقت أنه بيزعق لداليا/ خلاص ماحصلش حاجة هي كانت لسه معايا اساسا وراحت تجيب حاجة من أوضتها هتفضل بقى كل شوية تخبط رايحة جاية
مهاب أتضايق إنها اتدخلت وكمان بتتكلم معاه بطريقة هو مابيحبهاش / روحي يا داليا على أوضتك
داليا خافت انه يزعل شمس / ابيه هي. هي مش قصدها
مهاب بصلها/ قولتلك روحي على أوضتك
( داليا من غير كلام خلعت على اوضتها )
مهاب رجع عند شمس وكل ما يقرب منها خطوة هي تترعب اكتر بس مابتتحركش من مكانها
مهاب حس انها خايفه منه وشاف رعشت ايديها وهو مش عايزها تخاف منه أبدا هو عايزها تحبه
مهاب بهدوء / بصي يا شمس الفترة اللي هتعيشيها معايا هنا قبل مانتجوز جت في مصلحتك عشان تعرفي عني كل حاجة ونتعرف اكتر على بعض
أنا مابحبش حد يكسر كلامي أو يقاطعني وأنا بتكلم
ومش مسموحلك تدخلي لما اكون بتكلم مع حد وأنا بكره جدا ان حد يخبي عليا حاجة او يكذب عليا
وفي حاجات كتير هتعرفيها عني ياريت تاخدي بالك منها واتمنى تتجنبي عصبيتي لأني مابقدرش اتحكم في نفسي لما بتعصب
شمس واقفة ساكتة ومسهمة لأن اللي يشوفه قبل مايتكلم يقول انه هيضربها
مهاب باس جبينها وقالها / أنا مستحيل اأذيكي فماتخفيش مني أبدا بس تجنبي عصبيتي
@@@@@@@@@
مر أسبوع على وجود شمس في قصر العدلي ماخرجتش منه ابدا. بس رودي بتيجي كل يوم ويقضوا اليوم سوى هما التلاتة
وداليا تقريبا مع شمس 24 ساعة ومابيسبوش بعض أبدا من يوم الموقف اياه ودا لأن شمس هي اللي طلبت كدة من داليا لدرجة أنهم اوقات بيناموا جنب بعض عالسرير من غير مايحسوا لما بيكونوا فاتحين فيس سوى أو بيقرأوا كتب
وطبعا مهاب متضايق جدا لأنه مش عارف يتكلم مع شمس خالص ولا يستفرد بيها
بس مبسوط أنها بقت بتقعد جنبه على السفرة
##########
وقت العصر كدة
شمس قررت تنزل تتمشى في الجنينة وقالت لداليا. داليا قالتلها هقعد اتصفح على الفيس شوي
شمس قاعدة سرحانة في الجنينة وبتفكر في حياتها اللي مش مستقرة وفي مستقبلها
شمس لنفسها / انا حاسة ان مهاب بيحبني أوي دي نظراته كلها بحس فيها بحب كبير. ودايما مهتم بيا وأنا كمان بقيت بحبه أوي وبحب كمان نظراته وعنيه ولا لما بيفزع في مازن ههههههههههههه مسخرة
قطع تفكيرها صوت بكاء عالي
اتفاجأت بداليا جاية جري عليها وبتبكي
داليا ببكاء / …….
______________
رواية( شمس وسط الظلام) البارت(22) بقلم:- أسماء أبوشادي Ana Amera Habeby
__________________________
داليا ببكاء / الحقيني يا شمس
شمس بخضة / في ايه يا داليا
داليا / خطب يا داليا خطب واحدة غيري
شمس فهمت داليا بتعيط ليه / اهدي أهدي يا حبيبتي وتعالي نطلع فوق بدل ما حد ييجي ويشوفك كدة
( شمس أخدتها وطلعوا أوضة داليا )
داليا ببكاء / خلاص مابقاش ليا بقى لواحدة تانية خلاااص يا شمس حب حياتي ضاع
شمس حضنا داليا / اهدي يا قلبي بس وقوليلي في ايه
داليا / عمر خطب
شمس / طب وأنتي عرفتي أزاي
داليا / انا كل يوم بدخل الاكونت بتاعه واشوف صوره والنهاردة بالصدفة شوفت بنت بتعلق على بوست عنده وتقوله حبيبي ومش عارفة ايه. روحت داخلة البروفايل بتاعها لقيتها منزلة صورتها وهو جنبها وبيعلنوا أن خطوبتهم بكرة
( بعد شوية داليا هديت خالص من العياط وشمس دخلتها الحمام غسلتلها وشها وبعدين خرجوا قعدوا مكانهم تاني )
شمس / بصي يا داليا أنا عايزة اقولك حاجة
كل شئ في الدنيا قسمة ونصيب وماحدش عارف نصيبه فين ولو هو كان من نصيبك كان هيبقى ليكي
داليا / بس انا بحبه أوي يا شمس هو اول حب في حياتي انا بموت فيه ما اقدرش أتخيل انه يكون لغيري
شمس / لو بتحبيه بجد سبيه للي اختارها وادعيله ربنا يسعده معاها
داليا / أنتي بتقولي إيه
شمس / بقول ان اللي بيحب حد بيتمناله السعادة
داليا / أنا فعلا بتمناهاله بس مش مع غيري
شمس / لا يا داليا اتمنيها من قلبك وقولي يارب وسلمي أمرك لله اوعي تدعي تقولي يارب خليه من نصيبي لاء قولي يارب لو ليا خير معاه اجمعني بيه ولو ماليش ابعدني عنه وقويني على نسيانه لأن دي ارادة ربنا وعسى أن تكرهوا شيئا وهو خير لكم
داليا / ونعم بالله يارب اسعده ووفقه في حياته دايما
شمس حضنتها / أنا عارفة ان دي حاجة صعبة عليكي أوي بس قولي يارب
( مازن دخل عليهم وكان فاكر ان داليا لوحدها في الأوضة )
مازن بمرح / إيه دا. أختي مع مرات اخوية يالاااا المهزلة
شمس بخضة/ حرام عليك يا عم ما تكح ولا تقول إحم داخل كدة زي مكافحة الإرهاب
مازن / لا والله بقى انا مكافحة إرهاب دا بمنظركوا دا محتاجين مكافحة الآداب
داليا وشمس / ههههههههههههه ههههههه
مازن لاحظ أن داليا كانت بتبكي / إيه دا انتي كنتي بتعيطي
داليا / لا ابدا
مازن بجديه/ هو أبيه مهاب زعلك ولا ايه
شمس بتغير الموضوع / حرام عليك بتظلم الراجل ليه دلوقتي هو كل حاجة تقولوا مهاب مافيش غيره في البيت ولا ايه
مازن / الله الله أنتي بتدافعيله
شمس / ومادافعش ليه مش جوزي يا بابا
مازن / أيوة أيوة دا الحب ولع في الدرة
شمس بأصطناع الجدية/ ولد عيب أتكلم مع مرات أبيهك باحترام
مازن اصطنع الخوف / حاضي يا ابلة
داليا / ههههههههههههه أيوة كده اشكميه
شمس / طبعا يا بنتي لازم افرض سيطرتي دا انا مرات أبيهكوا برضوه
داليا ومازن / ههههههههههههه
شمس / ههههههههههههه إلا صحيح أنت في الشركة بتقوله ابيه برضوه
مازن / لا طبعا دا كان يقتلني أنا في الشغل لسه بتدرب وبتعلم تحت إشراف أكبر رجل اعمال في الشرق الأوسط مهاب العدلي
اللي في شغله مايعرفش اخوه ولا حتى ابوه
شمس / طب بتقوله ايه يعني
مازن / يعني أوقات افندم ومرة باشا ومرة ساعتك ومرة حضرتك واهو كله ماشي
شمس / ههههههههههههه هو أنت في قسم شرطة ولا ايه
داليا ومازن / ههههههههههههه ههههههههههههه لا يا اختي أزرق من كدة
شمس / والله حرام عليكوا ظالمين الراجل
داليا بتبص لمازن / سيبك منها بكرة نقعد نفس القاعدة ونسمعها وهي بتقول كل خير بس بعد ماتاخد طريحة تمام من ابيه
شمس ضحكت بصوت عالي /أنا ههههههه ههههههههههههه ههههههههههههه
دا انا اوديه البحر واجيبه عطشان
مازن وداليا / بكرة نشوف
داليا / صحيح يا مازن كنت جاي ليه
مازن / اه صحيح ههههههههههههه كنت جاي اقولك على موقف حصل النهاردة في الشركة بس ايه ههههههههههههه فظيع
داليا / طب احكي احكي
مازن / النهاردة كان في واحد من اللي بيتعامل مع شركاتنا جاي يقابل بابا ومهاب وعمو في اجتماع. المهم يا ستي مهاب طلب مني احضر الاجتماع وأنا داخل اشوفلك حتة بت إيه نكتتتتة والله
داليا / ودي موظفة جديدة هناك
مازن / لا دي بنت العميل بس ايه مش عارف اوصفهالك والله
شمس بأستغراب/ ليه يعني مالها
مازن / ههههههههههههه ههههههههههههه
داليا / يابني يا تبطل ضحك يا تضحكنا معاك
مازن / بصوا شوفتوا الشباب الأجانب اللي بيغنوا راب وبيبقوا حاطين سلاسل كتير كدة اهي دي شبهم بس هما بيلبسوا السلاسل دي مسلسلة نفسها
شمس / ههههههههههههه أعوذ بالله مسلسلة نفسها أزاي يعني
مازن / يعني سلاسل نازلة من الكتف على البطن ومن التيشرت على ركبت البنطلون وحاجات كدة غريبة. كلها سلاسل لدرجة اني أما شوفتها اتصدمت ههههههههههههه افتكرتها موظفة في الشركة و ابيه مهاب هو اللي مسلسلها كدة عشان غلطت في حاجة ههههههههههههه بس ظلمته ههههههههههههه
داليا / ههههههههههههه تلاقي اهلاها اللي مسلسلنها كدة ولا حاجة
شمس / ههههههههههههه طب انت يعني ماحولتش تفكلها السلاسل دي ههههههههههههه
مازن / ههههههههههههه افك إيه يا اما ههههههههههههه لا وإيه لما الاجتماع خلص ودخلت لابوها وعرفنا عليها ههههههههههههه
داليا / حصل إيه حصل إيه قول بقى
مازن / ههههههههههههه كان نفسي تكونوا موجودين وتشوفوا شكل بابا وعمي. وإلا مهاب ههههههههههههه انبهر آخر انبهار
داليا وشمس / ههههههههههههه ههههههههههههه
( مهاب في الوقت دا كان جه من الشغل ورايح على الجناح بتاعه بس سمع صوت الضحك وراح وشاف شمس وهي بتضحك لأن مازن كان سايب الباب مفتوح)
ضحكتها سحرته كانت كافيلة تنسيه تعب شغله طول اليوم
بس في نفس الوقت أتضايق انها بتضحك كدة مع مازن وتهزر معاه برغم أنها بتتجاهله تماما
مهاب خبط على الباب برغم من أنه مفتوح
كلهم اتفاجأوا لما شافوه ادامهم وسكتوا خالص
مهاب دخل وبيتكلم عادي جدا / إيه بتضحكوا على إيه
مازن وداليا بدأوا يتهتهوا فشمس ردت عليه
شمس بأبتسامة / أبدا أصل مازن كان بيقولنا نكت عشان يضحكنا شوية
مهاب / اممممم نكت طيب لو خلصت نكت يا استاذ مازن روح غير هدومك عشان بعد العشا هتقعد معايا تقولي هتعمل ايه في الصفقة اللي خليتك تحضر الاجتماع بتاعها النهاردة لأنها هتكون مسؤوليتك
( أول مامهاب جاب سيرة الاجتماع التلاتة فقدوا السيطرة على نفسهم وانفجروا في الضحك ومهاب واقف بيبص بأستغراب )
الكل / ههههههههههههه ههههههههههههه
مهاب بجدية / بتضحكوا على إيه هو أنا قولتلكوا نكتة دلوقتي
مازن بيحاول يبطل ضحك / هههه لا يا ههههه لا يا ابيه هههه بس ههههههههههههه
شمس وداليا / ههههههههههههه اصل ههههههه
( مهاب شك أنهم ممكن يكون بيضحكوا عليه هو أو حاجة فيه واتضايق جدا )
مهاب بعصبية / ممكن تبطلوا ضحك وتردوا عليا بتضحكوا ليه
عصبيته اجبرتهم أنهم يبطلوا ضحك بس مازن سكت مش عارف يقول إيه
شمس / اصل مازن كان بيحكلنا على موقف حصل معاه قبل الاجتماع
مازن / اه ولما حضرتك قولت الاجتماع انا افتكرت الموقف وضحكت
مهاب بجدية / طب اتفضل على أوضتك
مازن خرج على اوضته ومهاب كمان خرج وراه وأول ما خرج.شمس وداليا رجعوا يضحكوا
_______________
الصبح على الفطار والعيلة مجتمعة
داليا عايزة تخرج النهاردة بأي طريقة بس مش عارفة تقول ايه
سهى لمهاب / مهاب عيد الأضحى باقي عليه أسبوع وأنا هعمل حفلة في النادي أول يوم
مهاب / والمطلوب
سهى / إنك تحضر لأن الحفلات دي خيرية وأنت اللي بتراعيها لازم تبقى موجود
رؤوف / أظن معاها حق لأن دا في صالح شركتنا
مهاب / هشوف وابقى أبلغ حضرتك
نوال ( أم داليا/ طيب احنا هنجهز للحفلة من النهاردة ان شاء الله
سامح / دا لسه باقي أسبوع
سهى / اصل الحفلة هتكون كبيرة ومليانة أنشطة كتير هتبدأ من الساعة 3 العصر لحد الساعة 10 على الأقل
( كل الحوار دا وشمس قاعدة على الكرسي اللي على يمين مهاب وداليا جنبها شمس ساكتة جدا بتسمع بس مش مهتمة خالص )
مهاب / بس الوقت دا طويل جدا دا تضيع وقت
سهى / أنت مش هتحضر الحفلة كلها المهم تظهر بس وياريت لو شمس مراتك تكون معاك لأن دا هيكون مظهر اجتماعي كويس
مهاب مبسوط جدا مجرد كلمة شمس مراتك بتخليه طاير في السما بس ماردش على أمه خالص وكمل فطاره في صمت
@@@@@@@@@@@@@
بعد الفطار طلعت شمس و معاها داليا أوضتها وداليا بتقنع شمس يروحوا النادي وفعلا شمس وافقت بس عشان خاطر داليا مش اكتر
داليا نزلت تحت عشان تلحق تقول لمهاب قبل مايمشي على الشركة
وفعلا لحقته وقالتله هتروح هي وشمس وهو وافق بس فضل مستني شمس عشان تيجي تستأذنه هي كمان وطبعا مارحتش
داليا بلغت شمس بموافقة مهاب وراحت تلبس في اوضتها
مهاب شاف داليا وهي راجعة أوضتها فراح على أوضة شمس وخبط ودخل
شمس اتوترت من وجوده معاها لوحدها كالعادة لأنها مابتقدرش تقاوم سحره
شمس / أهلا اتفضل أدخل
مهاب / إيه كنتي بتعملي ايه
شمس / كنت هغير هدومي عشان اروح النادي مع داليا
مهاب قرب عليها وهي كانت واقفة قريب من الدولاب
مهاب بهدوء / طيب مش أنا قولتلك قبل كدة ماتخرجيش من غير ماتستأذنيني
شمس / طب ما داليا قالتلك وأنت وافقت
مهاب / داليا استأذنت وأنا قولتلها روحي يا داليا إنما أنتي ما استأذنتنيش
شمس بتوتر / بس هي قالتلي إنها قالتلك أننا
مهاب قاطعها / أنا ماليش دعوة بداليا. قالت إيه أنا قولتلك ماتخرجيش من غير أذني
شمس / طب يعني انا دلوقتي مش هروح معاها
مهاب قرب اكتر من شمس بس بهدوء عشان مايوترهاش اكتر / لا هتروحي بس لما تستأذنيني الأول
شمس وهي بتبص في الارض/ طب انا بستأذن حضرتك عايزة أروح النادي مع داليا
مهاب قرب اكتر وحاوطها بزراعه ورفع رأسها بايده / لما تكوني بتتكلمي معايا بصيلي أنا ماتبصيش للأرض.
شمس تاهت في عنيه والحب اللي واضح فيهم وماردتش عليه غير بحركة من راسها بالموافقة
مهاب بيحاول يزيح الطرحة عن شعرها وبيكلمها بهمس وحنية / وإيه حضرتك دي أنا جوزك يعني تقوليلي مهاب
شمس حركت رأسها بالرفض
مهاب قرب وشه من وشها اوى لدرجة أن انفاسه بتلمس خدودها / أنا نفسي اسمع اسمي منك نفسي اشوف شفايفك وهي بتنطق اسمي
شمس وقد أشعل الخجل فؤادها وأصبح وجهها أحمر وعيناها مغلقة / م مو مهاب
مهاب عنيه على شفايفها / قوليه تاني يا شمسي
شمس بتوهان / موووهااااب
مهاب منظر شفايفها وهي بتنطق الاسم ببطئ سحره وقرب لكي يقتحم شفايفها قائلا بصوت هامس عذب / بحبك يا قلب مهاب
( قبل ماشفايفه تلمس شفايفها دخلت داليا )
داليا وهي بتفتح الباب / يلا يا شمس هنأخ
( كل مرة مهاب بيزعقلها المرة دي ما اتكلمش كل اللي عمله أنه بصلها بطريقة تكاد تموت قتلا من رعبها منها. أما شمس فهي ماحستش اساسا بدخول داليا ومهاب جه يسيبها كانت هتقع فسندها لحد ما وقفت على رجليها كويس وبعدها سابها وقبل ما يخرج من باب الأوضة وقف جنب داليا وقالها بصوت بيحاول يمتص فيه غضبه وكله وعيد / قسما بالله يا داليا لو اتقررت تاني لكون أنا اللي مخبط على وشك
________________________
داليا وشمس راحوا النادي مع السواق
وشمس لسه تايهه مش حاسه بحاجة حواليها خالص ولا حتى سامعة داليا اللي بتتكلم جنبها وبتقولها أن رودي مستنياهم هناك
داليا ورودي وشمس قاعدين على طربيزة في النادي وشمس لسه مسهمة وكلمة بحبك يا قلب مهاب لسه بترن في دماغها
رودي / بت يا شمس أنتي مالك مش مظبوطة كدة فيكي إيه
شمس / ها لا أبدأ أنا كويسة أهوه
رودي حست ان صاحبتها مبسوطة وشافت لمعة فرحة في عنيها أول مرة تشوفها فأطمنت عليها وماحبتش تتكلم معاها دلوقتي
أما داليا فقاعدة حزينة جدا وحاسة بقلبها مكسور النهاردة خطوبة الإنسان الوحيد اللي حبته واللي دايما بتبصله بنظرة عشق وبتتمني بس نظرة واحدة منه
داليا / بقولكم إيه أنا هقوم أشوف ماما اقولها حاجة واجي علطول
( بعد ما داليا مشيت )
شمس برغم فرحتها مانسيتش حزن داليا أبدا
شمس / داليا تعبانة أوي يا رودي
رودي /أنا ملاحظة كدة وكنت هسألها لما ترجع
( شمس حكت لرودي على. اللي حصل أمبارح وخطوبة الدكتور عمر وقرروا أنهم يساعدونا تنساه ويشغلوها بكل طريقة عشان ماتفكرش فيه وتتخطاه )
شمس قاعدة و معاها داليا و رودي بيستعدوا أنهم يطلبوا أكل
رودي بتبص لبعيد / إيه دا مش دا مهاب يا بنات
داليا وشمس بصوا وراهم وفعلا كان هو مهاب ماشي بكل كبرياء وثقة وحاوليه الحرس
رودي بغمزة / مالك يا شمس احمريتي كدة ليه هو الحب ولع في الدرة ولا ايه
شمس / بس ابت
مهاب وصل عندهم وهو عينه على شمس وحاسس إنه ماشفهاش بقاله سنين. ومبسوط جدا لأنها وهي في حضنه الصبح كان باين عليها مبسوطة وهو فسر دا بأنها خلاص نسيت مارو
مهاب / سلام عليكم
البنات / وعليكم السلام ورحمة الله وبركاته
مهاب وهو لسه واقف / بتعملوا إيه
شمس ردت هي عليه بس بخجل / قاعدين كنا هنطلب الغدا
مهاب / طب تسمحولي اعزمكوا ونتغدا سوى كلنا
داليا مستغربة جدا بقى ده مهاب ابن عمها
رودي / طبعا يا استاذ مهاب اتفضل
( مهاب قعد اتغدا معاهم. وبعد الغدا قالهم يلا كفاية كدة و رودي روحت على بيتها ومهاب أخد شمس وداليا معاه في عربيته وطلب من السواق أو بمعني اصح أمره يركب في عربية الحرس أو مع السواق الثاني في عربية داليا
مهاب ساق العربية وداليا.راحت علطول ركبت ورا
أما شمس فمهاب بصلها بمعنى اركبي أدام فركبت جنبه
وصلهم البيت ورجع تاني على شغله
@@@@@@@@@@@@@@
بالليل في وقت العشا
مهاب ماكنش رجع ومازن قال إنه هيتأخر
فالكل اتعشوا. بس شمس كانت حزينة جدا كان نفسها يبقى موجود هي عايزة تشوفه دايما أدام عنيها بتحب فيه هيبته نظراته جرأته صوته اللي معاها هي بيكون مختلف عن إى وقت تاني وحتى ريحته اللي بقت بتشمها من على بُعد
داليا استأذنت من شمس وقالتلها مش هقدر اسهر معاكي زي كل يوم ومحتاجة ارتاح
وشمس وافقتها. بس قالت بينها وبين نفسها أنها هتسيبها شوية وبعدين هتروحلها
أما داليا فغيرت هدومها واخدت مفاتيح العربية بتاعتها الاحتياطي.لأن مهاب أخد التاني و راحت جراش العربيات ركبتها وطلبت من الحارس يفتح باب القصر وخرجت
_________________
